ki kira mini Hajja akan ga'ba nake."
Da sauri ta kama hanyar fita tana fad'in" bari na kira ta.
Na yun'kura na sauka daga gadon da kyar a daidai lokacin faya ta fashe kafata ta cije sai na yi saurin dafa bango na durk'usa a wurin. Dama can ba ni da doguwar nakuda minti talatin idan ta yi tsanani awa daya a haka na haifi su Kamalu.
Shigowarsu d'akin a tare ya yi daidai da lokacin da abinda yake ya cika ya fado cikin zanin dana rufa a jikina. Sai kukansa ya karad'e d'akin.
Hajja ta nufo ni da saurin gaske tana fad'in." Da gamo da kasawa, Allah mai yin yadda yaso, Amina dama haka kike haihuwa"
Ban iya ce mata komai ba, illa kiran sunan Allah da nake yi har dai mahaifar ta fado sai sannan na ji hankalina ya kwanta.
Hajja ta zakulo abinda aka haifa tana fad'in." Hadiza kawo mini reza da zare."
Ta fara dibi dibi, na ce." Ki bude dorowar jikin madubi."
Da sauri ta je ta d'auko Hajja ita ta yi duk abinda ya kamata bakinta ya ki rufuwa fadi take na samu 'kawa gata nan tubarka masha Allah. Sai sannan na fahimci abinda na haifa macece farincikina ya tsananta dan lokacin da akayi mini scanning ban yarda ba ganin cikin Yusi ban haifi macan ba bayan Kuma da akayi scanning haka suka rubuta.
Hadiza ta taimakawa Hajja suka gyara wurin. Ni ma na kintsa jikina na dan ja gefe guda ina mika godiyata ga Allah da yanke mini wahala cikin sauki.
A daran na gasa jikina. Hajja ta yi wa babyn wanka ta shiryata tsaf sannan aka sanar da maigidan halin da ake ciki.
Ban ta'ba ganin zahirin farincikinsa ba kamar wannan rana a lokacin da ya d'auki babyn sai da ya dan zubar da hawaye kafin ya danne zuciyarsa ya dinga godiya ga Allah bisa abinda yake yi masa. Sai ya dubi Hajja ya dubi babyn ya ce" Ban taba riskar kaina a cikin farinciki ba kamar yau Hajja Ni ma na zama Baba."
Ita dai dariya kawai take yi tana fad'in." To ai babu abinda ya gagari Ubangiji Tajo.
A ranar ya yi mata hud'uba da Nana Aisha dalilin k'aunar mai sunan bisa irin gudumuwar da ta bawa Ma'aiki S.A.W.

Gari yana kara yin haske ya kira likitan da tunda na samu cikin take zuwa ta duba ni akan ta zo ta domin ta duba lafiyarmu ni da babyna kasancewa haihuwar gida ana samun matsala mabambamta."
Cikin ikon Allah ko da ta duba mu lafiya lau babu wata matsala, a lokacin Allah ya lullube mata abinda yake da kawai. Dangi da 'yan'uwa daga bangarena bangaransa suna ta bugo waya domin addu'a da fatan alheri mussaman abokanansa sun taya shi murna sosai a yayin da yake ta shirye-shiryen kayatattaciyar walima. Ni ma inata gayyatar mutane dan mun yi waya da Anti Yagana ta ce mini za su da yawansu daga maiduguri Sahura ma haka. Shi ma Yusi Yana nan yana ta gangamin gayyatar abokanansa da ya hadu da su anan din. Hajja kamar dama a bangaranta ba a cewa komai ba, dan idan naga yadda take zumudi har tausayi take ba ni, ta kasa zaune ta kasa tsaye. Hadiza itace mai kira mata mutanenta a waya, a kira wannan a gayawa a kira wannan a gayawa. Mutanan Bauchi ma su Inna Uwani suna kan hanyar zuwa.
A yau da ya kasance kwana biyar da haihuwa tun safe mai k'unshi ta zo ta yi mini ja da baki. Da daddare kuma na ajiye a raina sai na je gyaran gashi.
Nana sunan da muke Kiran babyn kenan tunda ubanta ya riga ya yi mata huduba da sunan tana wurin Hajja tana bacci dalilin da ya sanya ma kenan na saki jikina da yawa domin yarinyar ba mai yawan kuka ba ce sa'banin wasu jariran da suke hana iyayensu bacci, tana da ha'kuri sosai idan ta koka to tabbas yunwa take ji, sai ta yini tana bacci a bayan Hajja ko Hadiza.

Tun kafin su k'araso wurin da nake na jin yadda take ta tsala kuka.
Idona akan Hadiza da take ko'karin kwantota daga bayanta tana cewa." Ki sake bata nonon tasha wata'kila
bata koshi ba, kin ganta nan, ta ki bayan Hajja sai tsala ihu take yi, ni ma shine na gwada goyata ko zata yi bacci, ta ce bata san wannan ba. Hajja tace na kawo miki ita ki bata nono, amma dai naga ta dan bubbuga cikinta wai ko kumbura ya yi.
Na ce. Hadiza kin ga duka hannuwana a daure da lalle don Allah zo ki taimaka mini fito da nonon asa mata a baki."
Na dan gyara ta sanya mini ita a jiki, amma fir taki kamawa. A lokacin ne na ji jikinta zafi rad'au.
Na ce." Hadiza ba ki ji jikinta da zafi ba?"
Za ta yi magana kenan Hajja ta iso wajan tana fad'in." Ba ta daina kukan ba, ko cikinta ne yake ciwo ne. Ta miko fidarta tana fad'in. A bata ruwan d'umin nan ko cikin zai saki."
Na ce." Hajja ba na jin kumburin ciki ne zazzabi ne a jikina, Hadiza ri'ke ta na cire lallan nan."
Da sauri ta dauketa daga jikina, na cire lallan da ba'a jima da sanya shi ba, hankalina gabad'aya ya tashi.
A ki'dime ta ce." Kai Innalillahi! Hajja kin ga abinda take yi."
Na dago kaina a sukwane! wanda ya yi daidai da lokacin da Hajjan ta 'karbeta daga hannun Hadiza tana jijjigata.
Ban san lokacin da nake k'unshin kafata ba. Sai gani a tsaye ina ko'karin karbarta daga hannunta. A lokacin idonta ya kakkafe sai sandarewa take yi a hannun Hajjan na fashe da kuka mai sauti a razane na shiga d'aki na d'auko wayata dake saman madubi hannuna na kyarma na nemi lambar maigidan domin sanar dashi.
Shi ma ya shiga rud'u sosai. Yana tare da baki don tun wajan shida na safe ya fita, ya ce maza maza mu tafi babban asibitin yara.
Na kashe wayar tare da shiga toilet na wanke kafafuna na fito na zura hijab.
Lokacin Hajjan da Hadiza suna harabar gidan. Yusi sai kuka yake yi. Itama Hajjan tana yi. 'Kasimu daya daga cikin direbobinsa ya fito da mota da saurin gaske muka shiga dan Hadiza ko mayafi ma babu a jikinta sai da muka je asibitin tukkuna ta ankara.
Emagency muka nufa abinka da family din babban mutum motar da ta kai mu asibitin itace ta shaidawa ma'aikatan daga inda muke.
Kafin kiftawa da bismillah 'kwararrun likitoci sun rufu akanta..

To duk ko'karin da likitoci sukayi kan ceto rayuwar baby Nana hakansu bai cimma ruwa ba. To ai dama kud'ira da hukuncin yana wurin buwayi gagara misali. Allah Ya kaddara kwanaki biyar kacal za ta yi a doran duniya ta koma ga mahallicinta. Hausawa sukan ce an nuna kama.
Duk na'urori da suka daura mata suka kwance a sa'ilin da suka tabbatar da mutuwartata bayan da jininta ya kone tas sakamakon cutar nan ta sikila wanda uwa da uban basu san cewa su As da As ba ne, sai da hakan da bayyana a tare da abinda suka samu ta hanyar aure.
To shi dai Yallabai din kamar ya yi dan karamin hauka don koda ya zo asibiti lokacin an nannad'e gawar yarinyar kuka ya sanya sosai a ofis din babban likitin da shi ya yi ruwa da tsaki akan ganin an ceto rayuwarta hakan bai samu ba. Kamar ba babba ba, ko kuma wanda bai san mutuwa ba, ya dinga tsiyayar da hawaye wanda hakan ya kara karya lagon likitan ya dinga rarrashinsa tunda kowa ya san aikinsa ne yin hakan a matsayinsa na likita. Sai da ya tabbatar nutsuwa ta dan shige shi sannan ya tambayeshi ya akayi hakan ta faru domin yanzu kai ya waye kafin ayi aure ana yin gwajin genotype domin gujewa wahala da haihuwar yara masu d'auke da wannan gagarimin ciwon da yake kashe su farat daya.
Kasa yi masa bayani komai ya yi. Kawai ya kar'bi takardun sakamakon gwaje gwaje da akayi wa yarinyar ya zira a aljihu. Da kyar ya iya furta." Idan na samu nutsuwa zan tuntubeka da shawara.
Rungume da ita ya fito a kirjinsa. Yusi ya ki'dime ya ruga da gudu ya tare shi yana kuka. Yayin da Hajja take gefe a zaune dan lokacin da aka fadi mutuwar kafarta kasa tsayuwa ta yi ta silale ta zauna a dandagaryar kasan wajan tana kiran Innalillahi wa'ina ilaihi raji'un!
Ina kallon Hadiza ma tana share hawaye wani na zuba sai ri'ke hannuna take yi amma ta kasa ce mini komai, lallai ranar naka sai naka. A lokacin ni kasa cewa komai na yi kukan ma ban iya ba can kasan zuciyata dai Ina ta kiran Innalillahi wa'ina ilaihi raji'un! amma ina jin yadda wani kutittiran abu ya zo ya tokare mini a kirji.
Ban kara tsunkewa ba sai lokacin da ya fito da gawar rungume a kirjinsa. Sai kawai wasu hawaye masu zafi suka fara silalowa suna sauka a kumatuna.
Muka tsirawa juna ido, domin kuwa mu kad'ai ne muka san irin artabun da aka sha kafin samuwar cikin. Ya k'araso wurin da muke idonsa jawur hakan ya ba ni tabbacin da da cewa kuka ka yi. Ban ga aibunsa domin duk yadda zan fasalata muku tsananin k'aunar da yake wa babyn ba zaku fahimta ba.
Ya tsuguna gaban Hajja dake tankwashe da kafa sai kace wadda take tsakar dakinta. Ya dan bude fuskar babyn ina dan kallonsu ta gefan Ido domin gabana buguwa kawai yake yi don sai nake ganin kamar zai gayawa Hajja bata mutu ba.
Na ga hawaye ya silalo daga idonsa a sha'ke ya furta." Hajja ta rasu da gaske, ina cikin wani yanayi wanda ba zan iya tantancewa ba ki taya ni da addu'a."
Hajja ta sanya gefan hijabinta ta goge hawayen idonta. A nutse ta sanya hannu taja tawol din ta rufe mata fuska tana cewa." Ka yi hakuri, haka Allah ya kaddara, ba mai nisan kwana ba ce, mu je gida kawai a suturta Allah Ya sa mai ceto ce."
Yasa hannu ya goge fuskars kafin ya lalabi gilashinsa dake cikin aljihu ya sakaye idonsa, sannan ya mike tsaye likitan da escorts d'insa tare da Yusi suka bi shi a baya.
To ni din na ma fi su karfin hali domin tunda a karin farko na ambaci Innalillahi wa'ina ilaihi! na ji kwarin guiwa don ban sare ba, na ajiye a raina cewa dama ba mai nisan kwana ba ce. Ni na taimakawa Hajja ta tashi na gyara mata takalmanta ta sanya muka nufi bakin motar da jama'a suka yanyameta....✍️
*GARKUWAR MATA.*
*BINTA UMAR ABBALE*
[6/3, 8:38 PM] matar mijinta: *Wannan littafin na kudi ne vip 1k ne akan telegram. Normal What'sapp group kuma #700 hanyar da za a biya kudin ita ce wannan...0542382124...Binta Umar gtbank ko kuma 7084653262...Binta Umar Opey bank. 'Yan nijar dala dari katin airtel za ku tura mini bayan kun kankare hoton. A tura da sheda ta wannan lambobin iya What'sapp kawai.*
*07084653262*
*08089965176*
*V-VIP AREWA PEN👎*

*TALLAH!*
🌲🌳🌿☘️
*DA MAGANI A GONAR YARO!!*
*08089965176*
*07084653262*
*Dayawa akwai matan da suke da matsala ta lalacewar nono yamushewa da kuma fad'uwarsa. Wasu ma 'yan mata ne basu kai ga matakin aure da shayarwa ba amma sai su samu matsalar faduwar nono. To gaskiya akwai magani sai dai kawai idan ba a yi dace ba. Wasu zasuyi ta faman kashe kudi amma buk'ata bata biya ba, wasu kuma zasuyi ta fargaba kada su je garin neman gira a rasa Ido, ma'ana su sayi abinda zai cutar dasu da kudinsu. Kuma yanzu dai tsakani da Allah rijalu sun riga sun gama nuna abinda suka fi karkata a kansa a jikin 'ya mace kirji da kuma baya. Wasu Allah ya hallice su dashi har ya yi musu yawa, wasu kuwa basu dashi kuma mai saurin zubewa ne. To mu dai duk wanda ya san maganinmu ya san ingantacce ne, kuma Yana aiki kwarai da gaske wurin dawo da daraja da martabar nono da izinin Ubangiji. Sahihin magani ne da ya samu sheda da lambar yabo, kuma Islamic ne da akayi masa hadi mai inganci domin gyara jikin mace ba ma iyakacin nono kawai ba. Babu nadama haka zalika babu dana sani da asarar dukiya wurin sayan maganinmu. In sha Allah matsalar ki zata gushe idan kin jarraba amfani dashi. Ba mu tsaya ina nan ba, muna da na gyaran hips sahihi dana k'iba idan kina fama da matsalar rama. Haka zalika muna dana tumbi, da kuma maganin sanyi mai mugun kyawun da yake kassara kowane irin sanyi na fili da boye wanda zaku hadu da maigidanki kuyi amfani tare. Akwai ingantattun supplement wad'anda basu da illa balle su cutar da GARKUWAR jiki. Sai dai su gyara su kuma tayar da komad'a ina nufin inda ya samu nakasu a jikinki. Muna sayar da sabulan gyaran jiki dilka da man gyaran gashi, muna kuma bayar da sari a fad'in najeria da nijar muna tura kayanmu kowane gari da ikon Allah.*
*Muna garin kano duk inda kake za mu aika maka da kayanmu. Domin neman karin bayani sai a yi mana magana ta Whasap ga lambobin da za a same mu a kai.*
*07084653262 ko*
*08089965176*
*SIYAN NAGARI!!!!!!*
*A JARRABA A SAMU BIYAN BUKATA DA YARDAR ALLAH*


TEEMAH DATA SERVICES MTN
1GB @550
2GB @950
3GB @1450
4GB @1550
5GB @1700
CHECK CODE *323*4#
VALIDITY 30DAYS
CHAT@08112392177
CALL @08037026306
8037026306 fatima musa ibrahim opay

*20*
Mutuwar sai ta zama kamar ta wani babban mutum domin kuwa abokanansa da tun daga haihuwar ya sanar musu sune suka dinga turereniyar zuwar masa gaisuwa da jajantawa cikinsu kuwa harda manyan mutanan da sukayi masa angonci ranar d'aurin auranmu a saudiya.
Ni da Hajja gayyar da muka yi sai ta zama ta zaman makoki don gidan cika ya yi da jama'a na kusa dana nesa. Dangin Mamanmu zugarsu guda daga maiduguri suka zo bisa jagorancin Anti Yagana washe garin ranar da suka tafi 'yan gidanmu suka zo kaf dinsu har da Babanmu da Baba Sule da wasu daga cikin yaransa. Da yake akwai sassa daban daban a gidan a can mazan suka taru, matan kuma muna tare tunda akwai d'akuna kusan shida a falon... Maigidan ya bada kwangilar yi musu abinci mai kyau daga restaurant. Domin ba mu da mai aiki mace dama falalu ne yake yi mana a wasu lukutan kuma ni ma na kan dan shiga kicin sai da cikina ya tsufa tukkuna na tafi hutu. Amma dai har yanzun Falalun shine yake yi ma harda Hajja. Inna Uwani ba ta zo ba amma ta kira suka kan hanya ta d'an yi jiyya ne amma ta warware a yadda take gayawa 'yar uwatata.
Satinsu daya suka shirya tafiya duk yawansu maigidan ya sanya direba yin jigalarsu a irin manyan bos din da yake da yake ajiye dasu saboda faruwar irin haka.
To gaskiya 'yan uwa sun nuna mini kara da alhini dangane da abinda ya sameni. Kowa da irin nasihar da yake yi da kawo mini misalai kan cewa duk wanda ya yi rashin dansa yana karamin yaro ana sa ran zai samu cetonsa a ranar alkiyama, Kuma na godewa Allah tunda ina da wasu ba ita kadai ba ce. Koda anti Yagana da Falmata suke yi mini wannan tsokacin a lokacin kasa tsayar da hawaye na yi domin ba kaina nake tausayawa ba maigidan ne abin tausayi domin daga randa akayi mutuwar zuwa yau ya kasa nutsuwa yakan 'boye kansa ya yi kuka abin ya yi ta ba ni mamaki, sai nake ganin a matsayin shekarunsa ya ci a ce ya ha'kura ya barwa Allah domin ita mutuwa rigar kowace, shi mai yi wa wani fad'ane amma shi yake yi, ya dora hotonta a fuskar wayarsa, na ce masa ya cire ya'ki cire hakan kuma da ya yi ba shi zai kawo masa nutsuwa da kwanciyar hankali ba.
Ni kam duk da abin yana sasakata hakan nan na barwa Allah na yi ciwon nono kamar me ya gaji da tsiyaya da kumburinsa ya sace. Daga zarar ta fado mini zan ta nanata Innalillahi wa'ina ilaihi! har na samu rangwami. Sai ya zamana shi da Yusi ne suke neman daga mana hankali a gidan. Shi ma Yusi ha'kuri kullum cikin zancenta da yake akwai sauran hankali har tambayar Hajja yake yi a can lahira wacece zata zama mamanta.
Hajja ta bashi amsa da cewa." Uwar muminai itace Maman duk wani jinjiri mace ko namiji da ya mutu Nana Aisha matar manzon Allah RT.
Duk wannan misalin da take kawo masa hakan bai sanya ya barwa Allah ba. Kamar yadda Baban nasa yake k'unshe kansa ya yi kuka Shima haka yake b'uya a koridon gidan ko cikin d'aki ya yi ta kuka.
Na same shi watarana yana yi na dinga yi masa fad'a domin hankalina tashi yake yi nima, ni na haifi abata amma na danne na ha'kura na barwa Allah ikonsa a ganina kowama sai ya ha'kura.
Fad'an da nake yi masa ya janyo hankalin Hajja da Hadiza da suke falo. Yaron ya fita ya barni ni kad'an a d'akin yana kuka. Na bishi falon ina cigaba da nuna masa illar hakan.
Yau kusan sati uku ya ci ace a ha'kura hakan. Hajjan ta ce." To sai a hankali ai Amina kowa zai manta kuma kin san zuciya kowa da irin tasa, Wani yana dauriya da juriya, wani kuma bashi da ita, bayan haka ma yarinyar dai ta shiga zukatan kowa kafin a manta sai an yara."
Na ce." Hakane Hajja amma ni idan naga suna haka sake dawo mini da lamarin baya suke yi. Shima fa Baba da yake wasu lukutan da haka nake kiransa na sha kama shi a dakinsa yana kuka kamar karamin yaro na yi masa magana ya'ki ya daina.
Ta yi murmushi tana cewa." Rabu da wannan Amina Inaga sai an had'a masa da rubutu, domin ni ma sai dare ya tsala ina bacci sai shigo mini idan na tambayeshi sai ya ce wai ya kasa bacci da ya rufe ido zai ga Nana ko da Samira ta rasu haka ya dinga yi mini wallahi sai a hankali kuma ya manta.

Shiru na yi ban ce komai ba na zauna saman kujera wanda ya yi daidai da lokacin da ya sauko daga samansa hannunsa ri'ke da manyan hotona irin na bango uku. Na yi mamaki sosai tunda a dan zaman da na yi dashi na fahimci bai fiye son bidia ba, domin kuwa yan