Ta love story. Sanye take da qananun kaya.....Palazzo ne a jikinta da kuma crop top wadda hakan ya bawa plate tummy dinta bayyana sosai kaman zai hade da bayanta,kamar bata zubawa cikin nata wani abu me suna abinci a cikinsa. Gashinnan nata na asalin BUZAYE me tsahon da ya sauka har kusa da mazaunanta ya baje saman pillow din data dora kanta akai,wani kuma ya sauko a sashe da sashen fuskarta,har yana neman tsone mata idanu,lokaci lokaci tana sanya hannunta tana maqale shi a bayan kunnenta.

Kyawawan idanunta suna rufe,tana sauraren waqar da tunanin zata samu sassauci zata rage kewa kamar yadda ta saba,amma kuma a yau sai takejin gaba daya waqar tana mata wani irin sautin amo mara dadi,kamar ma tana sake dagula mata sauran lissafinta da d'an guntun nutsuwar da kwanciyar hankalin data samu.

Siririn tsaki taja,ta zura hannunta tana zare earpiece din daga kunnenta,kaman hakan kuwa ake jira taji an fara knocking na qofar tata.

Manyan fararen idanunta masu sirkin blue ta bude cikin dakin dake da matuqar qarancin duhu ta zubawa qofar dakin idanu. Wasu sakanni suka biyo baya anaci gaba da knocking din can qasa kamar ana tsoron buga qofar ne. Ranta ya sake baci.....me yasa idan ta sanya dokar kada a nemeta kuma kada a dameta su birra ke gaza kiyayewa a kwanakin nan?. Bata buqatar kowa.....bata buqatar magana da kowa,jiran dawowar sultane kawai takeyi. Sultane kawai take dako,ya dawo su fahimci juna ta tattara ya nata ya nata ta wuce Niamey ita kuma da agadez ba rana ballantana wata,wataqila sai kuma zagayowar wani festival de l'Aïr din.

Batace ma mai bugun ko cikanka ba,har sai data miqe a nutse tana gyara zaman shirt din jikinta data bayyana dukiyar fulaninta da suka cika qirjinta sosai kamar sun raina fadin rigar,wanda banda ta gurin qirjin kota ina rigar tayi mata daidai,ta sanya hannunta ta tattara sassalkan gashinta guri daya ta daure da siririn band din data cire ta ajiye gefa a dazun don taji dadin kwanciyar,ta zira qafafunta qasa cikin tattausan royal bedroom flip flops dinta.

A yangance da wannan yanayin nata mai cike da qasaita me yawan gaske ta furta.

"Waye ne?" Cikin harshen faransanci da ya zauna sosai saman harshenta da wani irin qwarewa da gwaninta.

"Birra ce ranki ya dade" Ta amsa mata cike da ladabi da kuma yaren faransancin. Dokarta ne tama magana da wani yare ka maida mata amsa da wani yaren daban,koda yarensu na buzaye kuwa. Bata qaunar jahilci don haka duk cikin hadimanta na kusa ba wanda baiyi karatu ba,ba wanda bayajin faransancin tas a bakinsa. Don ko sanda zata tafi France karatu da dukkaninsu su biyar din ta tafi,kuma ta sanya kowacce a makaranta daidai da matsayinta,ta rarraba musu lokuta yadda bazaici karo da lokacin hidimarsu a gareta ba. Shuru tayi kaman ba zata amsa ba....wanda banda da birran take magana inda wani ne da yake baqo ga sanin halayyarta zai tafi ne ya dauka ba zata amsa din ba.....sannna ta sake magana tana saka qaramar hula me sauqi saman gashinta.

"Yaushe kika fara karya doka da umarnina ne birra?". Ta fadi da wannan muryatata dake cike da yauqi da gayu. Duk da bata iya ganinta amma hakan bai hanata rusunar da kanta ba

"Kiyi haquri ranki ya dade.....an kammala hada ruwan wankanki ne". Mamaki kadan ya kama akhnan.

"Sau nawa zan maimaita miki idan ina buqata zan sanar miki?"

"Eh na sani.....bawai ina jayayya dake bane.....nannie ce tace ki tashi ki shirya" Maganan ya sanyata dakatawa daga qoqarin bude scrub dinta da takeyi tana kallon qofar kai tsaye

"Nannie kuma?.....zaki barmin qofar daki birra ko saina hukuntaki?" Maganan ya sanya birra janyewa babu shiri ba kuma tare data sake cewa komai din ba.

Wani siririn tsakin ta saki,wankan zatayi din......amma izzarta ba zata barta ta tsaya yiwa birra bayanin saita gama goge gogen fuskarta da cleansers dinta da take amfani dasu ba kafin ta shiga din,wanda aqalla suna daukarta kusan minti talatin kafin ta gama hidimarsu ta shiga wankan gaba daya.

Stool ta jawo ta zauna gaban mirror din,sannan ta miqa hannunta ta kunna makunnin qwan dake zagaye da mirror din nata wanda ke bata haske sosai a duk sanda za'a gyara mata fuska ko zatayi wani abu irin haka. A cikin jininta yake,son ado da gyara,tana kula da lafiyar jikinta da kuma fatarta sosai fiye da kima,wannan ya sanya ba wani halitta da zai kalleta bai sake marmarin kallonta ba,mace ko namiji babba ko yaro. Ta mallaki dukkan wata sura ta kyau,wata irin lafiyayyar fata diri da zubi da kowacce mace zata buraci inama ace nata ne?,sai ya hadu da mulki sarauta izza da kuma dukiya.....uwa uba gata da kwanciyar hankali,wannan ya bawa dukkanin siffofin damar fitowa dayin tasiri yadda ya kamata a tattare da ita.

Knocking ta qaraji anyi,zuwa yanzu ta fusata da wannna fusatacciyar zuciyartata. Ta waiwaya a hankali ta lumshe idanunsu ta kuma budesu lokaci daya tana bude bakinta da zummar yin magana,saidai kuma batakai ga cewa komai din ba hairaan ta murza qofar ta tura ta shigo. Dama a bude take qofar,saidai kuma ba wanda ya isa ya shigo din idan bada izininta ba.

Idanunta suka gauraya daya hairaan,saita janye dubanta a kanta a hankali tana maidawa kan dressing table din. Batasan me yasa ba.....hairaan din tana mata wani nauyi.....tana dan jin shakka kadan kadan a kanta,batasan ko abubuwan da suka dinga gudana tsakaninta da ita zamanin quruciya bane yayi tasiri?.

A nutse hairaan tayi sallama a yau din,ba wani qorafi fada ko mita ta dubi akhnan din.

"Ki ajiye wannan aikin,ki shiga kiyi wanka....so samu ki shirya yau da kanki,yau dai sau daya tak.....amma idan hakan ya gagara birra zata shigo ta shiryaki yadda kika saba" Hairaan ta qarashe maganar tana ajiye wasu kayayyaki da akhnan din batasan meye ba saman bedside drawer.

Bin hairaan din tayi da kallo sanda taga ta juya salin alin tana fita a dakin ba tare data sake ce mata komai ba. Ta danyi mamaki,don ta saba duk sanda zasuyi face to face haka bata gaidata ba sai tayi magana.....hakanan sai tayita qorafi da mita kamar zata balbaleta da fada. Zuwanta ne kawai qasar wannan karon ya sassauta wasu abubuwan.

Haka kawai taji jikinta yayi wani iri sanyi. Duk abinda zai hana hairaan qorafi haka to lallai babba ne. Samun kanta tayi da saka hannu ta ciro dump face wiper ta goge scrub din data fara shafawa,ta miqe daidai sanda birra ke shigowa.

Ido ta zubawa birra din,kanta a qasa taqi duban uwar dakin nata tazo ta giftata zuwa toilet don hada mata sabon ruwan wanka a nan.

(Don samun littafin lu'u lu'u 08187255862)

Har ta fito tana tsaye,ta sake binta da kallo.

"Saboda nace a qyaleni bazanyi wanka yanzu ba shine kikaje kika fadiwa titi hairaan?" Tayi tambayar da wani irin quruciya da sakalci cikin muryata,wanda ba kasafai wannan sifar ke nunawa a tattare da ita ba.....duk da lokaci lokaci takanyi abubuwa da yawa da birran ke hangen quruciya sakalci da ta taso a ciki,wanda idan itace ba zata yisu ba. Fushi taqiyin wani abun,ko fushi tayi wani abun duka wani lokaci birran ke boye tayi dariya.

Duk inda izza da sarauta suke a jikinka,indai akwai wannan gatan ya maka yawa.....indai akwai wannan quruciyar lallai wataran saita bayyana kanta da kanta.

"Kiyi haquri" Kawai birra tace da ita,saita gyada kai kawai taja qwafa tana nufar bandakin.

Har takai qofa ta dakata,ta waiwayo tana qarewa birra kallo.

"Waime meye na sanyani a gaba yau nayi wanka?,bayan ina da dukkan zabi nayin yadda nakeso a sanda nakeso naga dama?,ko wani sabon munafuncin ne?,naga fuskarki kamar kina murmushi?" Akhnan din ta fada still yanzu ma da sakalcin nan sosai a tattare da ita.

Allah ne ya taimaki birra,kadan ya rage murmushi bai fita a fuskarta ba. Tunda samia baiwar morsa dake hidima a sassanta ta tsaigunta mata maganar da taji anayi ta samu kanta cikin matsanancin farincikin daya gaza boyuwa. Ta sake samun tabbaci sanda nannie ta shigo sassan,ta kuma wuce can kebantaccen parlor din akhnan din dake qasa,wanda ita daya ke shiga ciki saiko su shehnaz,ta kuma kirata ta gaya mata dukkan abinda take buqatar ayi.

Ganin birran bata amsa mata ba,tsaiwar kuma kamar tana bata mata lokaci ne sai kawai taja tsaki yana wucewa cikin toilet din qasa qasa tana gunaguni.

Tsalle birra ta buga ta sake juyawa. Sukam tako ina sheikh muhammad haisami yayi musu,ba ita daya ba,dukkan hadiman sashen da tasu tazo daya da suka fara tseguntawa juna kowa tsalle yake bugawa. Kai tsaye ta juya zuwa sassan walk-in closet din akhnan din,ta shiga lalubar mata kayan da zasu dace da yanayin,wadanda ba zasu nuna wani gagarumin abu ba,ba zasu kuma takurata ba a dukka yanayin rudanin da zata shiga,don ta tabbatar rudani kam akwaishi.....daaru na akwaishi,kallo kam su hadiman da suke kusa zasu shashi,fatan da takeyi kome zai biyo baya yazo da sauqi,ya kuma zamanto me sauqin gaske ga uwar dakin nata. Don har ga Allah suna sonta,suna qaunarta qwarai da gaske,tana da tarin akkhairanta garesu,tana da matuqar kirkin da idan kana nesa da ita ba lallai ka fahimci hakan ba,sai zama ya kawoka kusa da ita,kuma ka zauna da ita lokaci me tsaho. Wasu dabi'un nata basa damunta,tunda ita din an haifeta cikin gidan sarauta ne,tasan duk wasu dabi'u da halaye da JININ sarauta ke sanya diyoyinsa aikatawa,wanda haka yake kawai a dabi'arsu,ba rashin kyautawa bane,gado ne kawai a cikin jini ya zame musu normal life.

Kaman kowanne lokaci wankanta yakan dauki lokaci kafin ta kammala. Tazo ta zauna birra na tayata shiryawa,harta kammala.

Kayan data bata ta sanya ya sakata daga kai ta kalli birra din,kamar zatayi magana amma sai kuma ta fasa ganin birra din ta saukar dakai qasa.

Tsaf ta fita cikin wani cotton material me asalin tsada da daukan hankali. Butter milk me adon red roses manya a jiki. Daga qirjinsa yasha wata tattarar roba,wadda take bawa rigar daman budewa daidai da fadin qirjin wanda ya saka rigar. Cup hand ne da rigar wanda duka duka iya damtsenta ya tsaya,ya bada wani style me kaman cup. Earrings ta miqa mata red color ta saka a kunnenta a hankali,idanunta still yana kan birra dai,birran daketa nuqu nuqu tana qoqarin boye duk wani baqon mode nata.

zaki samu daman karanta wannan QASAITACCEN LABARIN ta hanyoyin siyan tikitinki kamar haka da naira (700) kacal*

*Lambar asusu:- 6019473875*

*Safiya musa abdullahi*

*Keystone bank*

*KI TURA SHAIDAR BIYA TA NAN*

09166221261

KO

08187255862

*Al'ummar qasar nijer 🇳🇪*

*2349166221261*

*Safiya musa abdullahi*

*NITA*

*CFA 500*

*SAIKU TURA SHAIDAR BIYA TA LAMBAR DAI*

09166221261

*GA WADANDA ZASU SAKA KATIN WAYA NA MTN SUMA NUMBER DUKA DAYA CE*

*MTN CREDIT 700 ZUWA GA*

09166221261

*SHAIDAR BIYA*

09166221261

*_TAFIYAR 'YAR GASKE CE........LABARIN QASAITACCIYAR MACE CE KAWAI KE IYA SIYANSA_*

*QASAITA👑*

*HUGUMANKU CE*✍🏽

[2/14, 19:12] +234 903 555 3736: 💎 *L U'U L U'U*

*_(The diamond)_*💎

*H U G U M A*

*BOOK 02///PAGE 86*

Sake kallonta tayi sanda ta miqa mata awarwaraye da suka dace da kayan jikinta. Ta zubawa birra din idanu,haka kawai takejin yau bata yarda da birra ba,haka kawai takejin wani baqon yanayi a tattare da ita.

"Maidasu basai na saka ba"

"Nannie tana dakin hutu tana jiranki" Birra tayi saurin fadi ganin akhnan din ta juya a hankali tana nufar sashen da aka ware mata cikin tafkeken dakin da wasu qawatattun kujeru biyu da mulmulallen table saboda daura tarkacen system dinta da sauransu akai.

Cak ta tsaya ta waiwaya tana duban birra,still taqi bari su hada idanu.

"Tun yaushe kika barta tana jirana?" Ta fadi Kai tsaye. Sosai take ganin girma da kimar Nannie,don soyayyar da Nannie din take nuna mata a bayyane take. Uwa uba daga sultane har mammina tana ganin irin yadda suke girmamata.

Dan sosa kai kadan birra tayi tana kaucewa hada idanu da ita.

"Kafin ki shiga wanka ne......kuma itace tace kije kiyi wankan ai". Idanunta ta maida ta lumshe. Ta manta sai yanzun da birra ke sake gaya mata. Amma haka nan takejin wani faduwar gaba da bata saba da ita ba,ta taka anutse da wannan qasaitartata,ta isa inda takalman da birra ta ajiye mata suke,ta zura dogayen qafafunta da suke subul kamar bata taba taka qasa ba tunda aka haifeta.

Da dan mamaki kadan a ranta sanda take ratsa falukanta ganin hadimanta kusan dukka suna nan. Kamar tun dazun basuyi ayyukansu bane sai yanzun. Kadan kadan take amsa gaisuwarsu,murya can qasa cike da wannan izzar. Tayi wani iri kyau,fuskarta tayi fayau saboda damuwar data shiga kwana biyu. Material din ya karbeta,ya kuma fidda qirarta da kyau. Bata yada mayafin da birra ta miqa mata ba,ganin bawai wani guri zata fita ba,tayi gaba ne tabar birra da mayafin a hannu tana binta dashi.

Tayi wani irin kyau wanda va zaka gaza ganinsa ba koda daga ness ka hangeta. Wani irin sassanyan kyau take dashi,wanda yake iya fusgar hankalin d'iya mace ta maimaita kallonta akan akhnan din ballanta namiji. Qirarta ta fita sosai kamar wadda sam sam.bata cin abinci a rayuwarta. A haka take takawa a nutse zuwa kebantaccen falon nata wanda takeson xama sosai a cikinsa saboda ba abinda ya rabashi da cikin mini garden din datasa aka mata a gefan parlor din sai wata glass door me murfi biyu. Idan tanaso tana budeta,iska me kyau tana shigo mata,sai yanayin yake sake qawata zamanta a gurin.

*_WHEN THE CALL CHANGED HER LIFE_*

Da siririyar sallama a saman siraran labbanta da suke qyalli da hasken lip gloss ta tura qofar falon. Daidai sanda Nannie dake zaune gaban system din da aka aza saman side table din da aka jawoshi gaban three sitter din da take zaune ta zube idanunta akan akhnan dake shigowa.

Wani irin kyau.....wani irin haske da qyalli taga akhnan din tayi mata. Sai take ganin kamar ba akhnan din data gani bace jiya.....kamar wani abu ya sauya tattare da ita. Fuskarta ta nuna GIRMA irin girman dake hawa kan kowacce mace a sa'o'in da aka kammala daura aurenta......gashi yanzu tana ganinsu muraran a fuskar akhnan din,duk da ana kan daura auren ne ba tare da an kammala ba.

Mamaki ne ya darsu akan fuskar akhnan din,ya kuma bayyana kansa da kansa ganin aisa da shehnaz harda falaak a gurin. Gefe daya ga Nannie data dasa system a gabanta abinda bata taba gani ba tattare da Nannie din. Don ita ko waya bata dameta ba,idan kaga waya ta dameta to tabbas dan uwanta sultane ne ya kirata ko ita take nemansa. Daga gefanta kuma yakumbo ce. Yakumbon da take jimawa bata ganta ba saboda shekaru da suka fara ja,saidai kuma dattijuwar a nutse take tsafff.....akwai tarin nutsuwa tattare da ita....hangen nasa da hikima gami da tarin ilimi me yawa a tattare da rayuwarta.

"Yakinan.....qaraso" Yakumbon ta fada tana yafitarta da hannu.

Haka kawai taji gaba daya gwiwoyinta sunyi wani irin sanyi......yadda suka zuba mata idanu a yau sai takejin kamar idanunsu sun mata kwarjini da yawa. Mamakinta ma yadda aisa din tazo amma bata nemeta ba,yaushe ma aisa din tazo?,yaushe ta bar agadez harta dawo ba tare da ita tasan zata shigo ba?. Kodai festival d l'Aïr dinne ya kawota tun yau?.

A hankali take takawa tana maida dubanta ga yakumbo,kafin ta qaraso Nannie tuni ta miqe,ta kuma kamo hannunta har zuwa gaban kujerar da suke kai,har kuma gaban system din da ta zaunar da ita a tsakiyarsu ita da yakumbo.

Sai a sannan idanunta suka sauka kan screen din,fuskar sultane ya bayyana tarwai cikin masallacin madeenar daya bada background me kyau da haske,kaman yadda kowa ya saba ganinsa.

Idanunsa ba screen din yake kalla ba,idanunsa suna gaba da screen dinne,amma zamanta a gurin ya sanya sultane din saka qwayar idanunsa a kanta a nutse,abinda ya sanya